АВСТРАЛИД СУРАЛЦАХ ТАНЫ ШИЙДЭЛ.

Австрали Улсын боловсролын систем дэлхийд өндөр үнэлэгдэж жилдээ 600 гаруй мянган гадаад оюутан Австралийн бүх шатны боловсролын сургуульд суралцаж байна. Боловсролын салбар нь Австралийн хамгийн том эдийн засгийн салбарын нэг бөгөөд Австралийн экспортын томоохон хэсэг нь дээд боловсролын зах зээл буюу боловсролын экспорт юм. Австрали улс нь найрсаг эелдэг зан чанар, амьдрах таатай нөхцөл, дэлхийн хэмжээний шилдэг боловсрол санал болгодогоороо онцлог юм.

Дэлхийн аль ч орны ажил олгогч нар Австралийн боловсролын чанарыг хүлээн зөвшөөрдөг онцлогтой. Англи хэлтэй орнууд дундаа гадаад оюутнуудын хамгийн их сонгон суралцдаг орнуудын гуравдугаарт жагсаж байгаагаас харахад л тус орны боловсрол ямар түвшинд хүлээн зөвшөөрөгдөж байна вэ гэдэг нь харагдана. Та Австралид боловсрол эзэмшсэнээрээ ирээдүйд өсөн дэвжиж, өөрийн карьерийг ахиулж, олон улсад ажиллах боломжийг олгодог.

Оюутнууд шууд визээ аваад л долоо хоногт 20 цаг ажиллах эрх нь нээгддэг. Энэ нь барууны орнуудтай харьцуулахад маш том давуу тал болж чаддаг. Оюутан хүн албан ёсны эрхтэйгээр ажиллаад амьдрах зардал, зарим тохиолдолд сургалтынхаа төлбөрт ч нэмэрлээд байх боломжтой. Мөн Австралид цалин харьцангуй өндөр бөгөөд хөдөлмөр эрхэлж буй хүмүүсийн цагийн үнэлгээ бусад орноос өндөр байдаг. Гэхдээ тэдний сурлагыг нэгдүгээрт тавьдаг учир долоо хоногт 20 цаг буюу өдөрт 4 цаг ажиллах боломжтой.

Австрали улс нь Их Британи, АНУ-тай харьцуулахад боловсролын чанарын хувьд ялгаа байхгүй ч сургалтын төлбөр болон амьдрах өртгийн хувьд харьцангуй хямд. Cургалтын төлбөр ямар сургууль, суралцаж буй чиглэл, зэргээсээ хамааран харилцан адилгүй. Австралийн их сургуулиудын Бакалавр, Магистрын сургалт дунджаар 22.000-35.000 австрали долларын хооронд хэлбэлздэг харин дэлхийн топ 100-д ордог Австралийн их сургуулиуд төлбөрийн хувьд нилээн өндөр буюу 1 жил /2 семестер/-ийн 35 мянган австрали доллараас эхэлж байна.

Англи хэлийг Австралид суралцана гэдэг бол анги танхимд зүгээр нэг шинэ үг чээжилж суухын нэр биш юм. Австрали улс зөвхөн хэл заагаад зогсохгүй таны сэтгэн бодох чадвар, багаар ажиллах, амьдралын асар олон туршлагыг олж авахаас гадна, Англи хэлийг өдөр тутмынхаа амьдралд хэрхэн үр дүнтэй ашиглахыг суралцах болно. Та хэлийг орчинд нь сурснаар хэлийг бүрэн төгс эзэмшихийн хажуугаар, маш олон шинэ содон зүйлүүдтэй танилцаж, олон орны хүмүүстэй танилцах боломжтой болдог.

Австрали улс бол маш тайван, гэмт хэргийн гаралтаараа харьцангуй бага. Оюутны эрх ашгийг дээд зэргээр хамгаалж чаддаг орон юм. Зөөлөн дулаан уур амьсгал, далайн эрэг, гоёмсог хот гээд тэнд залуу хүмүүсийг татах зүйл маш олон. Амьдрах таатай нөхцөлийн индексээр 10-аас 9.3 оноо, Дэлхийн 140 хотоос хамгийн амьдрахад таатай хотоор Австралийн Мельбурн хот 7 жил дараалан шалгарч Австралийн Аделейд хот 5-д, Перт хот 7-д, Сидней хот 11-т жагсаснаас харахад амьдарахад таатай орон гэдэг нь шууд харагдана. Мөн дэлхийн өнцөг булан бүрээс хүмүүс очиж суурьшсан тул шашин шүтлэг, арьс өнгөөр гадуурхах нь тун бага.

Дэлхийн хэмжээний урлаг, соёлын үзвэр, үйлчилгээ, Формула I-ийн гранд при, Газрын теннисний Австралийн нээлттэй цомын тэмцээн, Мотоциклийн гранд при гээд оюутны сонирхолыг татах асар олон үйл ажиллагаанууд зохиогддог бөгөөд олон улсын оюутнуудад шинэ найзтай болох сайхан боломжийг бүрдүүлнэ. Австрали улсын иргэд дэлхийд найрсаг, нөхөрсөг зангаараа алдартай.

Олон улсын оюутнууд үзэсгэлэнтэй байгаль, ургац сайтай дарсны бүс нутаг, Гайхамшигт Далайн Зам, 12 Апостис, Моррингтон хойг, Алтан эрэг гэх мэт гайхамшигтай далайн эргүүдийг үзэж үзэсгэлэнтэй хотуудаар аялах боломжтой. Сурахын зэрэгцээгээр хэзээ ч мартагдашгүй дурсамжаа үлдээж, Австарли амьдралын хэв маяг, соёлоор амьсгалах болно.